sadyr_japarov

Урматтуу мекендештер! Жаратылышыбызга аяр мамиле жасап, бири-бирибизди көзөмөлдөп, тарбиялап, бири-бирибизге үлгү бололучу. Башка жактан келип бирөө жарым жаратылышыбызды тазалап бербейт. Бир күн менен жашабайлычы. Эртең балдарың, бүрсүгүнү неберелериң келип эс алат го акыры.

Аттиң дүйнө... кыргыз каймактарынын сөөгү жаткан “Ата-Бейиттин” сырын ачкан Бүбүйра апанын дүйнө салганын угуп, каңырыгым түтөп олтурам. Айрыкча, быйыл Кара-Кыргыз автономдуу облусунун түзүлүшүнүн 100 жылдыгы белгиленип жаткан жылы, “Улут аталары жөнүндө” Жарлык кабыл алынган жылы капилеттен кош айтышып оо дүйнө кете бергени мени терең ойго салды. Бүбүйра апанын “Атабейит” апаатын жүрөгүнө канчалаган жыл бою жүк кылып сактап жүрүп, акыры атасынын аманаты катары ачыкка чыгарып, кыргыз тарыхына ташка тамга баскандай из калтыргандыгын ар бир кыргыз жараны жакшы билет. Бүбүйра апа сырын ачпаганда, биз мамлекет түптөөчү аталарыбыздын бир далайын билбей каларыбыз анык эле. Ата Мекени үчүн башын сайган аталардын баасы-баркы бүгүнкүдөй ачылбай, алардын укум-тукумдарынын көксөөсү суубай кала бермек беле, ким билет? Кандай болгон күндө дагы тарыхыбызды тактоого, ата-бабаларыбыздын урпактары үчүн өмүрүн сайып, өзүнчө мамлекет болууга жасаган эмгектерин ачып чыгууга нар көтөргүс салымын кошту. Эң өкүнүчтүүсү бабаларыбыздын көксөгөн мүдөөсү болгон Кара-Кыргыз автономдуу облусунун түзүлүшүнүн 100 жылдыгын белгилөөгө Бүбүйра апа катышып, ошол ата-бабалардын эбегейсиз эмгектеринин даңазаланышын өз көзү менен көрүп калса болбойт беле... Өлүмгө айла жок экен. Баарыбыздын бараар жерибиз да ошол. Мен Бүбүйра апанын жакындары менен туугандарына жана жалпы эле кыргыз элине терең кайгыруу менен көңүл айтам, аза кайгысы менен тең бөлүшөм!

Бишкек шаарыбыздын Горький көчөсүндө жайгашкан Э. Гареев атындагы бакты шаардын тургундары үчүн эс алуучу сейил бак кылып ачтык. Келип бала-чакаңыздар менен эс алып кетип турсаңыздар болот. Баардык шарттар түзүлгөн. Көчөттөр менен гүлдөрдүн түрлөрү сатылат. Каалаган көчөттөрдү сатып алсаңыздар болот. “Жашыл мурас” аттуу демилгемди колдоп, ар жылы жаз айларында көчөт олтургузуңуздар. Жашыл өлкөгө айланалы. *** Ботанический сад им. Э.Гареева, находящийся по улице Горького в Бишкеке открыт для отдыха жителей города. Можете посетить парк с детьми. Для этого созданы все условия. Продаются разные виды саженцев и цветов. Вы можете их купить. Поддержите мою инициативу «Жашыл Мурас» и сажайте каждую весну саженцы. Превратим нашу страну в зелёный сад. *** Botanical Garden named after. E. Gareev, located on Gorky Street in Bishkek, is open for recreation for city residents. You can visit the park with family. All conditions have been created for this. Various types of seedlings and flowers are on sale. You can buy any of them. Support my initiative “Jashyl Muras” and plant seedlings every spring. Let's turn our country into a green garden.

«Зарыл ишиң болбосо, Зардалыда эмне бар»?,- дейт Баткендик туугандар. 🙂 Долбоору жасалып башталды. Эмдиги жылдын бюджетине киргизилип, жаздын алды менен иш башталат. Бирок тилекке каршы бир тилкелүү эле жол болот. Эки тилке кылууга мүмкүн эмес, аскалуу жерлери бар экен. Кулап кетүү коркунучу бар. Жол кыймылындагы коопсуздук үчүн бир тилкелүү жолдун ар кайсыл жерине каршы келе жаткан унааны өткөрүп жиберүү үчүн “чөнтөкчөлөр” жасалат. Азырынча “Жоктон көрө жогору дегендей” бир тилкелүү жол салып туралы. Зардалыга жол мамлекеттин коопсуздугу үчүн зарыл. ***** «Зачем тебе в Зардалы, если нет важного дела», - говорят баткенцы. Готовится проект. Он будет включен в бюджет следующего года, а работы начнутся ранней весной. Но, к сожалению, это будет однополосная дорога. Две полосы сделать невозможно, так как это скалистая местность. Есть риск падения. В целях безопасности движения на разных участках однополосной дороги будут сделаны «карманы», позволяющие проехать встречному транспортному средству. Как говорится, лучше пока построить однополосную дорогу, чем ничего не делать. Дорога на Зардалы необходима для безопасности государства.

Ишкерлерди текшерүүгө убактылуу тыюу салуу боюнча Жарлыкка кол койдум. Жарлыкка ылайык ушул жылдын 31-декабрына чейин ишкердик субъектерди, бизнес-чөйрөнү мамлекеттик органдар тарабынан текшерүү иштери болбойт (кылмыш иши козголгон ишканалардан сырткары). Бул чара бизнес чөйрөсүнүн экономикалык иштерин турукташтыруу жана бизнес чөйрөсүн мамлекет тараптан колдоо максатында болуп жаткан айла. Кызмат адамдары негизсиз, экономикалык кылмышы аныкталбай туруп эле (жасалма, уюштурма арыздар менен) ишкерлерге текшерүүгө келген болсо, Президенттин Администрациясы аркылуу мага кайрылсаңыздар болот. Сөзсүз чара көрөбүз. ***** Мною подписан Указ о введении временного запрета на проверки предпринимателей. Согласно Указу, до 31 декабря текущего года проверки субъектов предпринимательства и бизнес среды государственными органами проводиться не будут (за исключением предприятий, в отношении которых возбуждено уголовное дело). Это направлено на обеспечение экономической устойчивости деятельности предпринимателей и поддержки бизнеса со стороны государства. Если представители госорганов пришли с проверкой бизнесменов без основания, без выявления признаков экономического преступления (с поддельными заявлениями), вы можете связаться со мной через Администрацию Президента. Мы обязательно примем меры.

Урматтуу Кыргызстандыктар ! Эгемендик алып, өз алдынча мамлекет болгон күндөн тартып 2020-жылга чейин чогулган карызыбыз 5 миллиард АКШ долларынын тегереги болгон. Ушул карызды үстөгү менен толук кайтара турган мезгил менин жана менин командамдын бийликте турган мөөнөтүнө туш келип олтурат. Пандемияга чейинки Кыргызстандагы кризис, бюджеттин тартыштыгы, пандемиядагы жана пандемиядан кийинки кризис жана дүйнөдө болуп жаткан азыркы каатчылыктарга карабай, өз убагында төлөп келе жатабыз. Өлкөбүздө тынчтык, стабилдүүлүк болуп турса, мындан ары да төлөп кетүүгө толук күчүбүз жетет. Анткени бюджетибизди 2020-жылга чейинки убакытка караганда үч эсе көтөрүп алдык. Коррупциянын тамырын 100 пайыз кыркып бүтө элек болсок дагы, 90 пайызын жойдук. Ошол үчүн бюджетибиз көтөрүлүп жатат. Эсиңиздерде болсо, 2019-жылдары "тышкы карызыбызды кантип төлөйбүз, төлөбөсөк жерлерибиз кетет экен" деп элибиз бушайман боло баштаган. Азыр андай кыжаалатчылык жок. Тескерисинче, тышкы карызды төлөө менен бирге эле, эмгек акы, пенсия, жөлөк пулдарды көтөрүп жатабыз. Армиябызды күчтөөнүн үстүндөбүз. Акыркы эки жылда эле эки миллиард долларга жакын каражатка жаңы үлгүдөгү заманбап техникаларды сатып алдык. Жолдор салынууда. Мектептерди, бала-бакчаларды, темир жол, ири ГЭСтерди, аэропортторду куруп жатабыз. Ички аба каттамдар үчүн төрт учак сатып алуудабыз. 1000 автобус сатып алдык. Белгилей кетчү жагдай, тышкы карызды төлөөнүн туу чокусу келерки - 2024-жылга туура келүүдө (төмөндөгү диаграммадан көрсөңүздөр болот). Эң башкысы, биз тышкы карызды өз күчүбүз менен, тактап айтканда, бюджеттик каражаттардын эсебинен жаап жатабыз. Мурда болсо кайсыл бир бөлүгүн кайра эле тыштан же грант, же карыз алып жапчубуз. Эгер азыркы тышкы карызыбызга кетип жаткан акча казынабызда калганда, мындан да көп жумуштар аткарылмак. Эмгек акылар, пенсия, жөлөк пулдардын өлчөмү мындан да көп эсе жогоруламак.

Дүйнөлүк тарых илиминде, айрыкча биздин кыргыз тарыхыбыз менен байланыштуу илимде оор жоготуу болду. Улуу Кыргыз каганаты түзүлгөн Эне-Сай доорун, Тянь-Шань кыргыздары менен Эне-Cай кыргыздарын өзөгү кандай байланышарын изилдеп, тактап берген хакас элинин атактуу түрколог-окумуштуусу Виктор Бутанаевдин дүйнөдөн кайтканын терең кайгыруу менен кабыл алдым. Түрк элдеринин этнографиясын изилдеген окумуштуу кезинде Кыргыз каганаты өзүнчө бир империяга айланып, чоң аймакты ээлеп тургандыгын, белгилүү бир мезгилдерден кийин ал империя урап, калктын бир бөлүгү Тянь-Шанда калса, бир бөлүгү Эне-Сайга көчкөнүн, мына ошентип Тянь-Шань кыргыздары менен Түштүк Сибирь эли бир тууган эл экенин айныксыз тарыхый фактылар менен таасын далилдеп берген дулдул окумуштуу эле! Ал айрыкча кыргыз элинин тарых-таржымалынын такталышына эбегейсиз салым кошкон инсан эле. Анын изилдеген илимий эмгектери биздин тарыхыбыз тууралуу ар кандай бүдөмүк пикирлерди четке сүрүп, улуу кыргыз эли учурунда улуу дөөлөт курганын дагы бир жолу тастыктап берген . Маркум Виктор Бутанаевдин кыргыз таанууга кошкон өлчөөсүз эмгегин баалаган кыргыз бийлиги аны учурунда "Даңк" медалы, III даражадагы "Манас" ордени менен сыйлаган. Ал эми айрым университеттер ага "ардактуу профессор" наамын ыйгарган. Кыргызга, кыргыз тарыхына салым кошкон бир тууганыбыздын үй-бүлөсүнө, жакындарына, бир боор хакас элине жана жалпы эле Россиянын илимий чөйрөсүнө терең кайгыруу менен көңүл айтам. Кош болуңуз, улуу окумуштуу! Жаткан жериңиз жайлуу болсун!

Урматтуу бир тууганым Режеп Тайып Эрдоган! Сизди Президенттик шайлоонун экинчи айлампасындагы ишенимдүү жеңишиңиз менен чын дилимден куттуктайм. Түркия эли Сизге чоң ишеним артып, өлкөнү социалдык-экономикалык жактан өнүктүрүү жана жарандардын бакубат жашоосун камсыз кылуу жаатындагы багытыңызды колдоп беришти. Түркия ачык, атаандаштык жана демократиялык шайлоонун үлгүсүн көрсөттү. Биздин өлкөлөр ортосундагы достук жана бир туугандык мамилелер мындан ары да стратегиялык өнөктөштүк жана боордоштук деминде бекемделе берерине толук ишенем. *** Дорогой брат Реджеп Тайип Эрдоган! Искренне рад поздравить Вас с убедительной победой во втором туре президентских выборов. Народ Турции оказал Вам высокое доверие, а также поддержку Вашего курса, направленного на социально-экономическое развитие страны и повышение благосостояния граждан. Турция показала пример открытых, конкурентных и демократических выборов. Уверен, что дружеские и братские отношения между нашими странами будут и дальше укрепляться в духе стратегического партнерства и союзничества.

Бул жолу Мунарбек Сейитбек уулун кыргыз элинин жана өзүмдүн атымдан коло медаль жеңип алышы менен куттуктайм! Бул Кыргызстандын жаңы тарыхында бокс боюнча дүйнө чемпионатындагы биринчи байгелүү орун. Мушкерибиз көпчүлүккө Союз маалында атагы алыска кеткен кыргыз бокс мектебинин кайра жандануусунан кабар бергендей таасир калтырды десем жаңылышпайм. Спортто өйдө-ылдый болуп турат. Коло болсо да бул кыргыз спорту, айрыкча жаш спортчулар үчүн чоң дем шыкак болуп берсе, жалпы спорт ышкыбоздору үчүн чоң сыймык. Мушкерибизге чың ден соолук жана алдыдагы мелдештерине спорттук ийгилик каалайм!

Намыска жарадың Жоламан баатыр! Азаматсың! Кыргыздын баатырлык сапатын дагы бир жолу даңазалап, күйөрмандарың үчүн да, жалпы кыргыз эли үчүн да эң мыкты кармаш көрсөттүң. Силердей спорттун чеберлеринин ар бир мындай жогорку жеңиши артыңарда өсүп келе жаткан жаш балбандар үчүн да чоң шыктандыруучу мааниге ээ. Сага бекем ден соолук, спорттук ийгилик ар дайым жылмайып турушун каалайм! Чоң спортто сен багынта турган мындан да чоң жетишкендиктерге кыргыз эли менен чогуу күбө бололу!